Сергей Лушчан: “Вазият ёмонлашаётгани ҳақидаги фикрларга қўшилмайман”

- Ўйинимиз ёмон бўлмади. Ўйин жиҳатдан аста-секинлик билан ҳаракатларимиз яхши томонга ўзгармоқда. Йигитлар секин-секин ўзларига келишмоқда. Афсуски, мана шундай устунликка эга бўлиб туриб, рақибни юта олмадик. Олдинги чизиқдаги якуний зарбаларимиз қовушмади. Жароҳатланганлар кўп. Иброҳимов, Саноев, Чемиртан жароҳатланган. Мичич билан жиддий гаплашиб оламиз. У қишки йиғинларда намойиш этган ўйинларини умуман кўрсатмаяпти. Унда жароҳат бўлган экан, аммо буни билмасдик. Шу сабабли бўлса керак ўз ўйинини кўрсата олмаяпти. 

Вазият ёмонлашаётгани ҳақидаги фикрларга қўшилмайман. Бугун захирадан майдонга тушган йигитларга ўйинни кучайтириш вазифаси юклатилганди. Афсуски, улар ишончимизни оқлолмади. Таркибдаги деярли ҳамма бизнинг тарбияланувчилар. Ҳаммага имконият беряпмиз ва шундай қилишда давом этамиз. Эсонқулов кеча ёшлар лигасида ўзини яхши кўрсатди шу боис бугун майдонга туширдик. Бундан ташқари унинг туғилган куни эди. Уни қўллаб-қувватлаш учун имконият бергандик, афсуски бугун ўзидан талаб қилинган вазифани бажара олмади. Аммо имконият беришда давом этамиз.

“Динамо” ўз ўйинини намойиш этди. Улар қарши ҳужумда яхши ҳаракат қилишмоқда. Бугун бизнинг тарбияланувчимиз бўлган Қаҳрамонов гол уриб кетди, - дейди Сергей Лушчан.