Сергей Лушчан: "Эртага "Оқ-тепа"га мухлислик қиламиз"
28 окт 2020 19:17
Новости

Сергей Лушчан: "Эртага "Оқ-тепа"га мухлислик қиламиз"

Про лига 14-турдан ўрин олган "Динамо" - "Шўртан"(0:0) учрашувидан сўнг мезбонлар бош мураббийи Сергей Лушчан фикрларини билдириб ўтди.

"Бугун икки очко йўқотдик. Ўйинимиз умуман ўхшамади. Рақиб бизни яхши ўрганиб чиққани кўриниб турибди. Улар бугун бешта ҳимоячи билан ҳаракат қилишди ва бўш ҳудудлар қолдиришмади. Ҳужум чизиғида ҳам ҳаракатларимиз кўнгилдагидек чиқмади. "Истиқлол"нинг ўйини ва натижасини кузатамиз. Тўплар нисбати бўйича улар биздан ўтиб кетиши учун еттита гол уриши керак. Буни ажабланарли жойи йўқ, "Оқ-тепа"га мухлислик қиламиз. Ўйинни жонли эфирда олиб бермаса унда ўзимиз кўргани борамиз.

Жаҳонгир Аҳмадовнинг жароҳати ўйинга жиддий таъсир қилди. Ҳар бир жамоа рақиб имконият беришидан келиб чиқиб ўйнайди. Ҳужумдаги кам сонли вазиятлардан фойдаланишимиз лозим эди. Лекин, махорат етишмади. Биз ўзимизга ўзимиз муаммо келтириб чиқаряпмиз. Ҳаммаси эртага "Истиқлол"нинг ўйинидан кейин маълум бўлади",- дейди Сергей Лушчан.

Ссылка :

Источник : championat.asia

Получайте новости прямо в Telegram!

Рейтинг: +3