Сергей Ковшов: "Эртага жанговор ўйин бўлади"
27 июл 2016 14:00
Новости

Сергей Ковшов: "Эртага жанговор ўйин бўлади"

Теги : Қўқон-1912 Сергей Ковшов

Ўзбекистон кубоги, чорак финали доирасидаги “Бухоро” – “Қўқон-1912” жамоалари ўртасидаги ўйиндан олдин Қўқонликлар катта мураббийи Сергей Ковшов фикрларини қуйидагича баён қилди.

- Ҳозирги кунда чемпионат ва кубок ўйинлари биз учун бир хил аҳамиятга эга. Биз хоҳ кубок ўйини бўлсин, хоҳ чемпионат ўйини бўлсин фақат ғалаба учун майдонга тушамиз.

Дастлабки ўйиндаги 1:1 ҳисоби шундан дарак берадики биринчи ўйин жуда шиддатли ўтган. Голлар ҳам, сариқ ва қизил карточкалар ҳам бўлди. Эртага ҳам жуда шиддатли ўйин бўлишини тахмин қиляпман.

Давралар оралиғида жуда фойдали йиғинни ўтказдик. Ҳозирги кунда таркибимиздаги футболчиларнинг жисмоний ҳолатлари юқори даражада. Таркибимизда бир қатор ўзгаришлар рўй берди. Тактик жиҳатдан ҳам ўйинимизда ўзгаришлар бўлади. Эртага иккала жамоада ҳам имконият бир хил деб ўйлайман. "Бухоро" кучли жамоа, буни уларнинг турнир жадвалидаги ўрни ҳам кўрсатиб турибди. Лекин биз ҳам Бухорога саёҳат учун келмаганмиз. Жанговор ўйин бўлади", – дейди Сергей Ковшов.

"Қўқон-1912" матбуот хизмати

Ссылка :

Источник : championat.asia

Получайте новости прямо в Telegram!

Рейтинг: +15