Сергей Арсланов: "Суперлигадаги исталган жамоа совринли ўринлар учун курашиши мумкин"

- Ўйин ҳақида

- Ҳаммага хайрли кеч. "Насаф"ни ғалаба билан табриклайман. Ўйин ҳақида қисқача гапирадиган бўлсам, учрашув агрессив, хилма-хил тактика ва жанг. Ўйин воқеаларга бой бўлди. 

- Ёш футболчи Асилбек Жумаевнинг ўйини ҳақида гапирсангиз...

- Жумаевнинг ўйини ҳақид гапирсам, Асилбек нафақат шунчаки дебют, балки фаолиятидаги жуда натижали старт бўлди дея оламан. Сабаби, бу футболчи берилган имкониятдан фойдаланди, ўзини йўқотиб қўймади, аксинча, ўзини яхши томондан кўрсатди. Унга ҳеч қандай эътироз йўқ. Келажакда унга омад тилайман. Асилбекда замонавий футбол талаб қиладиган барча жиҳатлар бор ва фикримча унинг келажаги порлоқ.

- "Сурхон" клуби тактик жиҳатдан анча кучли эканлиги борасидаги фикрга қўшиласизми? "Сурхон" бу борада чемпионатнинг топ-5 жамоаларига қаршилик кўрсата оладими?

- Албатта, Суперлигадаги исталган жамоа совринли ўринлар учун курашиши мумкин. Чемпионатимизнинг қизиқлиги ҳам шунда, биз эса бу билан чекланиб қолмаймиз. Биз ҳали ўзимизнинг энг кучли тарафларимизни кўрсатамиз. Шу ўринда мен мухлисларимизга миннатдорчилик билдирмоқчиман. Улар бугун ўн иккинчи ўйинчи вазифасини аъло даражада бажаришди. Мухлисларимиз биринчи ўйиндан бери ҳамма жойда биз билан бирга бўлишмоқда. Бу эса албатта ўз таъсирини кўрсатмоқда.