"Сепахон" - "Ал Иттиҳод" учрашуви бекор қилинди. ОФК расмий баёнот берди
02 окт 2023 22:42
Новости

"Сепахон" - "Ал Иттиҳод" учрашуви бекор қилинди. ОФК расмий баёнот берди

ОЧЛ гуруҳ босқичи 2-туридан ўрин олган "Сепахон" - "Ал Иттиҳод" ўйини ўтказилмайдиган бўлди.

Бугун Исфаҳондаги Нағш-э Жаҳан стадионида бўлиб ўтиши керак бўлган Осиё Чемпионлар Лигаси 2023/24 "C" гуруҳидан ўрин олган "Сепахон" - "Ал Иттиҳод" учрашуви кутилмаган ҳолатлар туфайли бекор қилинди.

ОФК футболчилар, учрашув расмийлари, томошабинлар ва барча манфаатдор томонлар хавфсизлигини таъминлашга мажбурлигини яна бир бор тасдиқлайди.

Энди масала тегишли қўмиталар муҳокамасига ўтказилади.

Эслатиб ўтамиз, "Сепахон" - "Ал Иттиҳод" учрашуви майдонга чиқиб келишда 2020 йилда АҚШ томонидан ўлдирилган Эрон генерали Қосим Сулаймон ҳайкали қўйилган.

Ушбу генерал Саудия Арабистонида террористик ташкилот аъзоси ҳисобланган ва бир неча йил аввал Саудияга амалга оширилган ҳужумларда айбланган. Шу сабабли "Ал Иттиҳод" футболчилари майдонга чиқишни хоҳлашмаяпти.

Ссылка :

Источник : championat.asia

Получайте новости прямо в Telegram!

Рейтинг: +2