Саймонд Франсия: "Украинанинг фақатгина битта голи учун эътироз билдириш нотўғри"

"Украинадан аччиқ мағлубият қабул қилиб олдик. Бундай натижани кутмагандик. Рақибимиз дунёнинг энг кучли жамоаларидан саналади. 

Украинанинг биринчи голи содир бўлган ҳужум чоғида тўп майдон чизиғини кесиб ўтгандек таассурот қолдирганди. Бироқ ВАР барчасини кўриб чиқди. Фақатгина битта гол учун эътироз билдириш нотўғри. Уларда ўзига хос харатек, ўйин услуби мавжуд. Биз ҳимояланиш ва ҳужум қилишда қўлимиздан келганини қилдик, аммо режаларимиз амалга ошмади.

Нима бўлганда ҳам, чорак финалга қадар етиб келдик, бу мамлакатимиз учун катта натижа ҳисобланади. Биз тарих яратдик, бироқ ушбу турнирдаги тарихимиз шу ерда ниҳоясига етди", деди Франсия.

Эслатиб ўтамиз, Венесуэла терма жамоаси Ўзбекистондаги жаҳон чемпионатида ўз тарихидаги энг яхши натижани қайд этди.

Оқил Абдубарноев суҳбатлашди.