Саудия Арабистонидан навбатдаги юриш! "Ал Аҳли" "Челси" харид қилмоқчи бўлган форвард учун таклиф суммасини оширди
20 авг 18:22
Новости

Саудия Арабистонидан навбатдаги юриш! "Ал Аҳли" "Челси" харид қилмоқчи бўлган форвард учун таклиф суммасини оширди

Саудия Арабистонининг "Ал Аҳли" жамоаси Англия терма жамоаси форварди трансферига жиддий киришган кўринади.

Жидданинг "Ал Аҳли" жамоаси "Брентфорд" ҳужумчиси Айвен Тоунини қўлга киритмоқчи ва таклиф этилган суммани янада оширди.

"The Sun" нашрининг хабар беришича, арабларнинг дастлабки таклифи 35 миллион фунт стерлинг бўлган ва инглизлар бу таклифни рад этишган. "Брентфорд" аввалроқ Тоунининг трансферини 70 миллионга баҳолаётганди, лекин форварднинг ўзи клубини алиштирмоқчилиги туфайли "арилар" нархни бироз туширишга розилар.

Бундан ташқари, форвард учун курашда "Челси" ҳам иштирок этмоқчи. "Футболчилар инқирози"га учраган лондонликлар трансфер ойнаси ёпилгунга қадар ҳужумчи сотиб олмоқчи. "Арилар" тахминан 45 миллион фунт (53 миллион евро / 58 миллион доллар) эвазига Тоуни билан хайрлашишга тайёрлар.

Ўз навбатида, Тоуни ва унинг оиласи Саудия Арабистонидан бўлган таклифга якуний жавобларини ҳали айтишмаган.

Фаолияти давомида Айвен Премьер-лиганинг 85 ўйинида майдонга тушган ва 35 та гол уришга эришган.