Саудия Арабистони бош мураббийи: "Россияни мағлуб этмоқчимиз"

– Гуруҳдаги энг оғир ўйин қайси бўлади?
–  Россияга қарши баҳс. Аммо биз энг яхши ўйинимизни намойиш этмоқчимиз, рақибнинг кучсиз томонларини биламиз. Россия қандай ўйнашидан жуда яхши хабардормиз. Мақсадимиз улкан. Бугунги кундаги мақсадимиз – Россияни мағлуб этиш. Қолган мақсадларни эртанги баҳсдан кейин қўямиз.

–  Россия мезбон экани сизларга қанчалик ёрдам беради?
–  Биз доим энг яхши ўйинимизни кўрсатишга уринамиз, курашишга уринамиз. Эртага ҳам шунга ҳаракат қиламиз, ташқи таъсирларга эътибор қилмаймиз.

- Бугун Испания терма жамоаси бош мураббийи Хулен Лопетеги ишдан кетди. Сизнинг фикрингиз.
- Барча тафсилотларни билмайман, аммо нима бўлганда ҳам Фернандо Йеррога омад тилайман. Умид қиламанки, у вазиятдан чиқиб кетади.

- Аргентина ва Лионель Месси мундиалда қандай иштирок этади деб ўйлайсиз?
- Улар чемпионлик учун энг асосий даъвогарлра.

- Миср терма жамоасидан нима кутаяпсиз? Агар Муҳаммад Салаҳ биринчи ўйинда майдонга туша олмаса.
- Спорт оламида тахмин қилиш қийин. Ҳеч ким нима бўлишини аниқ айта олмайди.

Эслатиб ўтамиз, Россия - Саудия Арабистони учрашуви 14 июнь куни Тошкент вақти билан соат 20:00да бошланади.