Сарри: "Челси"даги шахсий мақсадим - ўйин-кулгу қилиш"

"Ҳар бир инсон роҳатланиш учун футбол ўйнайди. Ўзингизда болаликни сақлаб қўйиш керак, чунки бу бизни янада кучлироқ қилади. Ниятим - иложи борича узоқроқ роҳатланиш ва финишгача барча турнирларда рақобатбардош бўлиш. Шахсий мақсадим - ўйин-кулгу қилиш, чунки ҳаётдаги энг катта совға - ўз ишингизни бажариб, вақтни қувоноқ ўтказиш.

Агар жамоа роҳат олса, мухлислар ҳам шундай маза қилишади. Бу муҳим. "Челси" мухлислари томошабоп ўйин кўришади деб умид қиламан. Клуб фалсафасидаги ҳамма нарсани ўзгартирмоқчи эмасман. "Челси" сўнгги йилларда Англиянинг энг яхши клубларидан бири бўлди.

Ўз фалсафамни жамоага сингдириш ниятидаман, аммо трансфер ойнаси якунланганидан сўнг, жамоа таркиби учун қайси ўйин мосроқлигини аниқлаштириб олишим керак. Бу ерга келиб, 20 нафар футболчини алмаштира олмайман. "Челси"га ва унинг футболчиларига кўникишим керак" - дейди Сарри.