RU

Последние новости

18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:1 (матнли трансляция)  4 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0

Сардорбек Азимов: "Лушан ўзимизга бўлган ишончни қайтарди" Новости

Сардорбек Азимов: "Лушан ўзимизга бўлган ишончни қайтарди"

"Бунёдкор" ярим ҳимоячиси Сардорбек Азимов 2018 йилги мавсумни "Сўғдиёна" клубида ижарада бошлади. Футболчи Жиззах жамоасида асосий таркиб ўйинчисига айланди.

Айнан у "Сўғдиёна"нинг Суперлигадаги биринчи голини уришга муваффақ бўлди.  Бундан ташқари Суперлиганинг 8-турида"Қўқон-1912" билан баҳсда Азимов жамоасига бир очко келтирган голга муаллифлик қилди. Биз ярим ҳимоячи билан мавсум старти ҳақида суҳбатлашдик.

- Бу йилги мавсум "Сўғдиёна" учун ижобий бошланмади...

- Тўғри, мавсум биз учун у қадар кўтаринки руҳда бошланмади. Дастлабки турда Тошкентда "Пахтакор"га ютқаздик, кейин ўз майдонимизда Фарғонанинг "Нефтчи" клуби билан дуранг қайд этдик. Биз ўйлаган режалар амалга ошмади. Ўзимизни қийин аҳволга тушириб қўйдик. Шу боис мавсум биз ўйлагадек бошланмади. Аммо секин-аста ижобий натижаларни қўлга киритишни бошладик.

- Мочиновга нима етишмади деб ўйлайсиз?

- Александр Мочиновни ёшлигимдан буён танийман. У "Бунёдкор" академиясида ҳам мураббийим бўлган. Мочинов олий лигада кўп ишламагани учун тажриба етишмади деб ўйлайман. Аммо "Сўғдиёна" учун борини берди, борини бериб ишлади. Фурсатдан фойдаланиб ушбу мураббийга раҳмат айтаман, бу инсондан жуда кўп нарса ўрганганман.



- Жиззахлик мухлислар ҳақида қандай фикрдасиз?
- Жуда талабчан. Жиззахлик мухлислар ҳар бир ўйинни қолдирмай келишади. "Нефтчи" билан кучли шамол бўлди, "Металлург" билан кубок доирасидаги баҳс кучли ёмғир остида ўтди. Шунга қарамай мухлисларимиз стадионга келиб бизни учрашув охиригача қўллаб туришади. Шундай жонкуяр мухлислари бор жамоада ўйнаётганимдан хурсандман.

- Сергей Лушан билан "Бунёдкор"да ҳам ишлагансиз. У "Сўғдиёна"да биринчи навбатда нимани ўзгартирди?

- Ўзимизга ишонишимиз кераклигини ўргатди. Бизни қўллаб қувватлади. Ўзимизга ишонишимизни бот-бот такрорлади. Бизнинг ўйинимизни анчадан буён кузатиб юрган экан. Айнан ишонч йўқлиги боис бир нечта ўйинларда ютқазганимизни айтиб ўтди.

- Суперлигадаги ўзгаришлар ҳақида фикрингиз...
- Ўзгаришлар ҳақида фикрим ажойиб, жуда ажойиб. Айниқса СПОРТ телеканалида ўйинларни жонли олиб берилиши ажойиб янгилик бўлмоқда. Мана март ойининг энг яхшилари тақдирланди. Ҳар ойда футболчилар мен ҳам шу совринни оламан деб ҳаракат қилади, ўсиш бўлади. Олдинги совриндор эса буни ўзида сақлаб қолишга интилади.

- "Сўғдиёна" - "Навбаҳор" учрашуви ҳақида сўрамасак бўлмайди. Бундай ғалаба қандай қўлга киритилди?

- Ушбу ўйинга 2 кун қолганида Сергей Лушан жамоани қабул қилиб олганди. Шу икки кун ичида мураббий ўзимизга бўлган ишончни қайтариб берди. Танаффус чоғида мураббий қуйидаги сеҳрли сўзларни айтди: "0:2 бу ҳали мағлубият эмаслигини, жамоалар бундай натижадан кейин 3:2, 4:2 ҳисобида ютиб кетган. Ўзингизга ишонинг ва футбол ўйнанглар". Шу сўзлардан сўнг биз иккинчи таймда иродали ғалабага эришдик.

- Мавсумнинг дастлабки турларида ўзини кўрсатган футболчилар кимлар?

- Менимча Суперлигада ҳамма футболчи ўзини яхши томонлама кўрсатмоқда деб ўйлайман. Барча ўзининг борини бериб ўйнамоқда.


- Бу мавсум учун Сардорбек Азимовнинг шахсий мақсади қандай?

- Мавсумдаги мақсадларим юқори. Ўз вазифамни аъло даражада бажариш. Қанот ярим ҳимоячиси нима қилиши керак? Ҳужумчиларга голли вазиятлар яратиб бериши лозим. Шундай экан ҳужумчиларни кўпроқ қулай вазиятларга чиқаришга уринаман.

- Европа чемпионлар лигасида финалга қайси клублар чиқади деб ўйлайсиз?

- Ўзим "Реал Мадрид"га мухлислик қиламан. Бу йилги финалга айнан Мадрид клуби чиқади деб ўйлайман. Насиб қилса "Реал" кетма-кет учинчи марта ушбу совринга эга чиқади ва ўзига хос "хет-трик" қайд этади. Менга қолса "Ливерпуль" финалга чиқса яхши бўларди. Чунки ҳамма бу йил "Ливерпуль" чемпион бўлади демоқда. Шу боис финалга чиқсин финалда "Реал" мағлуб этсин. Шунда ҳамма тан беради Зидан жамоасига.

- Жаҳон чемпионатида кимга мухлислик қиласиз?

- Бу йил мундиалда Португалияга мухлислик қиламан. Роналду бошчилигидаги жамоа Жаҳон чемпионатида ҳам муносиб иштирок этса керак.


Нарзулла Сайдуллаев суҳбатлашди

Рейтинг: +12   

Комментарии

championat.asia
< посмотреть последние новости
Яндекс.Метрика