Сардор Зокиров: “Нефтчи” ёшлар жамоаси таркибида иқтидорли футболчилар кўп"

- Сардор ака, ғалаба билан табриклаймиз. Бугунги ўйин ҳақида фикрларингиз...
- Бугун қизиқарли ва беллашувларга бой учрашув бўлди. “Локомотив” ёшлар жамоаси ҳам кучли ўйин кўрсатди. Бугун бизнинг ғалабамизга футболчиларимиздаги интилиш, иштиёқ таъсир кўрсатди деб ўйлайман. Биз ўз майдонимизда мухлисларимиз қаршисида ўйин кўрсатаганимиз, улар бизни мунтазам қўллаб-қувватлаб турганлиги ғалабамизга замин яратди.  

- “Нефтчи” ёшлар жамоасининг бу йилги мавсумда натижалари чакки эмас. Айнан “Нефтчи” ёшлар жамоасидан чиққан футболчи Хуршид Асқаралиев Суперлигада “Навбахор” жамоасига гол киритишга муваффақ бўлди. Айнан Хуршид Асақаралиев каби ёш иқтидорли футболчилар ёшлар жамоаси таркибида борми?    
- “Нефтчи” ёшлар жамоаси таркибида иқтидорли футболчилар кўп. Маслан бугунги ўйинда ўзларинг гувоҳ бўлдинглар, ёш ҳужумчимиз Ҳамидулло Абдуҳамидов рақиб дарвозасига иккита гол киритди. Ҳамидулло “U-19” терма жамоаси аъзоси ҳисобланади.  Шунингдек таркибимизда  Шодиёр Хожиматов, Миржалол Неъматов, Илҳом Ваҳобов каби ёшларни учрашувларга муносиб тайёрлаб, тажриба орттиришларига замин яратиб, асосий жамоамиз ғалабаларига ўз ҳиссаларини қўша оладиган тарзда футболчи бўлиб етишишларига ҳаракат қиламиз. Ҳозирги кунда ушбу футболчилар асосий жамоамиз машғулотларида ҳам иштирок этишмоқда.                      

- Раҳмат, кейинги учрашувларда омад тилаймиз!
- Бугун стадионга келиб, бизни қўллаб-қувватлаб турган мухлисларимизга миннатдорчилик билдираман.

Бекзод Толибов ёзиб олди.