Сардор Собирхўжаев: "Пенальти тўғри белгиланди. Элдор менга ўша вазиятда "контакт" бўлганини айтди"
03 мар 2023 22:45
Новости

Сардор Собирхўжаев: "Пенальти тўғри белгиланди. Элдор менга ўша вазиятда "контакт" бўлганини айтди"

Теги : Элдор Суюнов "Олимпик""Пахтакор"Сардор Собирхўжаев

"Пахтакор" жамоаси футболчиси Сардор Собирхўжаев "Олимпик" жамоасига қарши кечган учрашувдан сўнг ўз фикрлари билан бўлишди.

- Мавсумнинг биринчи ўйини "Пахтакор" футболчилари учун қандай ўтди?

- Мавсум энди бошланди. Биринчи ўйин қийин бўлиши аниқ эди. Ўтган мавсум ҳам "Олимпик"ни иккита учрашувда мағлуб эта олмагандик.

- "Олимпик" жамоаси бугунги баҳсда қай жабҳаларда "Пахтакор"дан устун бўлди ва нима сабабдан "Олимпик" ушбу учрашувда ғалаба қозонди?

- Биринчи навбатда, уларнинг энг катта устунлиги хоҳиш деб ўйлайман. Ўйинни 1:0 ҳисобида бошлаш жуда қийин, чунки биз ўйиннинг 3-4 дақиқасидаёқ тўп ўтказиб юбордик. Кейин эса хужумга ўтишга мажбур бўлдик. Рақиб жамоа эса бизни кутишни бошлади. Биз шошилинч тарзда хужумга ўтишни бошладик ва шу сабаб ўйинимиз бир оз қовушмади.

- Ўйин бошида "Пахтакор" дарвозасига пенальти белгиланди. Сизнинг фикрингизча, ўша вазиятда пенальти бормиди?

- Вазият баҳсли эди, аммо Элдор Суюнов пенальти борлигини тан олди. Ҳакам VAR тизими орқали пенальтини текшираётган вақтда Элдор менга "контакт" бўлганини айтди. Пенальти тўғри белгиланди. Мавсум эндигина бошланди ва ҳали олдинда 25 та баҳс бор. Кейинги учрашувларда яхшироқ ўйнаймиз.

Ссылка :

Источник : championat.asia

Получайте новости прямо в Telegram!

Рейтинг: +9