Сардор Рашидов: "Мухлисларнинг олқиши бизга катта куч бағишлади"

"Қийин ўйин бўлди. КХДР кучли ва хавфли рақиб саналади. Биз улардан аввалги ўйин учун ҳам аламни олдик ва муҳим ғалабага эришдик. Мураббийлар штаби КХДР терма жамоасининг кучли ва кучсиз тарафлари ҳақида етарли маълумотларни беришганди. Мураббийларимизнинг тўғри кўрсатмалари туфайли ҳам бугун ютуққа эришдик. Стадионга ташриф буюрган барча мухлисларга раҳмат. Бугун уларнинг қўллаб-қувватлаб турганликлари бизга катта куч бағишлади. Тезкор гол ўтказиб юборганимиз биз учун кутилмаган ҳол бўлди. Лекин шунга қарамай ўйинни ўз томонимизга оғдириб кета олдик. Кейинги учрашувларда ҳам ғалабаларни қўлга киритиб, ўз мақсадларимиз сари олға интилишда давом этишимиз лозим", - дейди Сардор Рашидов.