Сардор Раҳмонов: "Мексикадаги мундиалдан кейин юлдузлик касалига чалингандим. Миржалол Қосимов мени ўзгартирди"
27 мая 2022 17:35
Новости

Сардор Раҳмонов: "Мексикадаги мундиалдан кейин юлдузлик касалига чалингандим. Миржалол Қосимов мени ўзгартирди"

АГМК ҳимоячиси, 2011 йил Мексикадаги ўсмирлар ўртасидаги Жаҳон чемпионати иштирокчиси Сардор Раҳмонов яқинда сайтимиз меҳмони бўлди.

Қуйида ушбу интервьюни тўлиқ ҳолда томоша қилинг.

Суҳбат давомида Сардор Раҳмонов бир қатор саволларга жавоб бериб ўтди. Улар орасида энг сараларини тақдим этамиз.

- Турли ёшдаги терма жамоаларимизда фаолият олиб борган Алексей Евстафеев ҳозирда Россияда фаолият олиб бормоқда. Унинг четда ишлаши биз учун қанчалик йўқотиш ҳисобланади?
- Яхши мураббийни йўқотганмиз. Имконият бермадик. Евстафеевни олиб қолиб бирор жамоани бериш керак эди, деб ўйлайман. Имкон берилмагани учун ҳам Ўзбекистондан кетди. Менимча қайтмайдилар.

- Янада ўсишингиз учун ўша паллада нима тўсқинлик қилган?
- Характерим. Тез хафа бўлардим. Ёш бўлганман. Ҳамма айб ўзимда.

- 2018 йилдан кейин АГМК - "Пахтакор" ўртасидаги учрашувларга омма томонидан турли шубҳалар сифатида қаралди...
- Тўғри. Лекин "Пахтакор" ўша пайт таркиб бўйича энг кучлиси эди. Улар ҳаққоний ютган. Тан олиш керак. Агар бундай ҳолат юз берганида майдонга чиқмасдим.