Сантуш: "Эронга қарши ўйинда ҳам шундай ўйнашимиз керак"

"Марокаш яхши ҳимояланди, рақиб таркибида тезкор ва техник футболчилар жуда кўп. Биз буни билардик, шу боисдан ўйиннинг бошиданоқ босим уюштириш кераклигини тушундик. Ўйин қийин бўлди. Баҳснинг бориши Испания билан ўйин каби бўлди. Ўйиннинг динамикаси паст бўлди, кўплаб вазиятларда тўпни йўқотдик. Голдан кейин ҳимояга катта эътибор бердик ва тўпни ўзимизда ушлашга ҳаракат қилдик.

Асосийси, Эронга қарши баҳсга қадар бизда тўрт очко бор. Испаниянинг Эрон билан ўйинда қандай натижа қайд этишидан қатъи назар, уларга қарши ҳам шу каби ўйин кўрсатишимиз лозим. Марокашдан бошқа барча жамоаларда плей-оффга чиқиш учун имкониятлар етарлича. Биз кейинги босқичга чиқиб олайлик. Шундан кейин вазиятга қараймиз", - деди Сантуш.