Санжар Шоаҳмедов: “Асприлла тўғри айтибди”

Кеча “темирйўлчилар” “Бунёдкор” майдонида расмий ўйинолди машғулотини ўтказди. Ушбу машғулотдан сўнг “Локомотив” клуби футболчиси Санжар Шоаҳмедов бугунги ўйиндан олдин фикр билдирди.

“Бугунги ўйинга жиддий тайёргарлик кўрдик. Насиб қилса майдонга фақат ғалаба учун чиқамиз. “Ал Айн”нинг қарши ҳужумига тактика ўйлаб қўйганмиз. Майдонда мураббийимизнинг кўрсатмаларини бажаришга ҳаракат қиламиз. Бугун ҳимояда ўйин намойиш этмаймиз. Иккала жамоани ҳам фақат ғалаба қониқтиради. Шунинг учун ҳам иккила жамоа ҳужумкор ўйин кўрсатади деб ўйлайман. “Ал Айн” сафида Асприлла, Умар Абдулраҳмон ва легионер футболчи Дуглас ҳам бор. Биз бундан чўчиётганимиз йўқ. Бизни фақат ғалаба қониқтиради. Асприлла тўғри айтибди, Сервер Жепаров жуда ҳам кучли ва хавфли футболчи. Насиб қилса Жепаров кучли футболчи эканини яна бир бор исботлайди”, - дейди “Локомотив” клуби ярим ҳимоячиси Санжар Шоаҳмедов.

Жаҳонгир Сотволдиев