Самвел Бабаян: "Навбаҳор" - Ўзбекистонда клуб футболининг драйвери"

Самвел Бабаян: "ОЧЛга қайтиш жуда ёқимли ва шу билан биргаликда катта масъулият. Биз мамлакатимизнинг футболни кўпроқ севадиган ҳудуди номидан иштирок этамиз. Жудаям кўп мухлислар жамоани қўллаб-қувватлашади. Бу "Навбаҳор"нинг ОЧЛдаги дастлабки иштироки бўлади. Сўнгги йилларда "Навбаҳор" Ўзбекистонда клуб футболининг драйвери бўлгани туфайли, кейинги босқичга ўтади ва бу мусобақада барқарор иштирок этиб боради деб умид қиламан.

Эртанги баҳсдаги мақсадимиз - албатта, ўзимиз учун керакли натижага эришиш ва мухлисларни қувонтириш. Яхши жамоага қарши тўп тепамиз, улар бу мавсумда яхши таркиб йиғиб олишди, бунинг исботи сифатида улар миллий чемпионатда 3:0 ҳисобида ғалабага эришишгани кўрсатиш мумкин.

Биз эртага тўп тепадиган арена ("Ал Жануб") Қатарда ўтган ЖЧнинг безагига айланди, бу дизайнерлик санъатининг авангарди ҳисобланади. Ҳар бир мураббий ва футболчи учун бу аренада ўтадиган баҳс иштирокчиси бўлиш катта шараф деб биламан. Эртанги баҳс жуда қизиқ бўлади деб ўйлайман".

Азим Аҳмедов: "Худо хоҳласа, ғалаба қозониб, ушбу муваффақиятни мухлисларга бағишлаймиз."

Самвел Бабаян: "Ал Вакра"ни тажрибали мутахассис бошқармоқда. Таркибда кучсиз позициялар деярли йўқ. Ҳар бир чизиқда яхши футболчилар етарлича".

Азим Аҳмедов: "Ал Вакра"ни яхши ўргандик, таркибда кучли футболчилар бор".

Самвел Бабаян: "Қайтараман, таркиб кучли, бир неча терма жамоаларнинг футболчилар йиғилган. Бироқ уларнинг кучсиз томонлари ҳам бор. Бу ҳақида ҳозир гапира олмайман, аммо эртанги баҳсда керакли натижа қайд этиш учун нима қилишимиз кераклигини яхши биламиз".

Азим Аҳмедов: "Ал Вакра"нинг энг кучли жиҳати - ҳужум экан".