Самвел Бабаян: "Иккинчи даврани ғалаба билан бошлаш муҳим эди"

Cамвел БАБАЯН (“Пахтакор” менежери): - Яхши ўйин гувоҳига айландик. Жамоалар шундай шиддатли футбол намойиш қилса, бундан фақат фойда бўлади. Рақиб аутсайдерлар сафида бораётган бўлишига қарамай, учрашув охиригача қаршилик кўрсатди.

Мазкур ўйинга жиддий тайёргарлик кўрдик. Тезлик ва тўпни назорат қилиш эвазига устунликни ифодалашга интилмоқчи эдик. Бироқ футболчилар биринчи бўлимда буни яхши уддалашмади. “Андижон” қандай таркибда ўйнашини тасаввур қилиш қийин эди. Иккинчи бўлимда ҳаракатларимиз тезлашди ва бу самара келтирди.

Пардаевни анчадан буён кузатиб юраман. У ҳужумчи сифатида менга ёқади. Баҳодирда катта потенциал бор. Шундай услубда ўйнайдиган ҳужумчи бизга зарур эди. У жамоадаги рақобатни оширишга ҳам хизмат қилади. Дебют ўйинида гол урганидан хурсандман.