Самвел Бабаян: "Биринчи бўлим 2:0 ёки 3:0 ҳисобида якунланиши керак эди"

Ўйин ҳақида

- Ўйин яхши бўлди. Устунлик билан ҳаракат қилдик, вазиятлар яратдик. Вазиятлардан фойдалана олмаслик бизга ғалаба қозонишга ҳалал бермоқда. Бугун ҳам шундай бўлди. Йигитлар ҳаракат қилишмоқда, вазиятлар яратишмоқда. Футболдаги энг қийин ишлардан бири вазиятлар яратиш ва гол киритиш. Биринчи қисмни яхши бажаряпмиз, аммо голлар ура олмаяпмиз. Вазиятларни голга айлантириш борасида катта муаммоларимиз бор. Биринчи бўлим 2:0 ёки 3:0 ҳисобида якунланиши керак эди, аммо тўп ҳеч қанақасига дарвозага киришни истамаяпти. Иккинчи бўлимда ҳам вазиятлар яратдик, аммо гол ура олмадик. Ўйлашимча, биз аллақачон турнир жадвалида рабоқатчиларимиздан катта фарқ билан ўзиб кетишимиз керак эди. Афсуски, бундай бўлмади. Қайтараман, жамоам жароҳатлар ва чарчоққа қарамасдан сифатли футбол кўрсатмоқда. Жамоа лидерлари мавсумни барқарор ўтказишмоқда. Нима дейиш мумкин, чемпионатда учта ўйин қолди ва кубок финали. Мухлисларни хурсанд қилишга ҳаракат қиламиз. Нимадир совринни қўлга киритиш учун ғалаба керак. Мана шу тўртта ўйинга бор эътиборимизни қаратамиз.