Самуэль фаолиятини якунлади
25 мая 2016 23:25
Новости

Самуэль фаолиятини якунлади

Аргентина терма жамоасининг собиқ ҳимоячиси Вальтер Самуэль футболчилик фаолиятига якун ясади.

Вальтер Самуэлнинг сўнгги клуби Швейцариянинг "Базель" жамоаси бўлди. 38 ёшли ҳимоячи ушбу жамоа сафида икки марта мамлакат чемпиони номига сазовор бўлишга эришди.

Самуэль футболчилик фаолияти давомида «Ньюэллс Олд Бойз», «Боку Хуниорс», «Рома», "Реал" ва «Интер» жамоаларида тўп сурган.

Самуэль икки бор Аргентина чемпиони, Либертадорес кубоги, олти маротаба Италия чемпионати ғолиби, уч марта Италия кубоги ва беш бор Италия суперкубогига эга чиққан. Самуэль шунингдек Европа чемпионлар лигаси ва Клублар ўртасидаги Жаҳон чемпионатида ҳам зафар қучган.

Аргентина терма жамоаси таркибида 56 ўйинда майдонга тушиб, рақиблари дарвозасига 5 марта гол киритган.

Ссылка :

Источник : championat.asia

Получайте новости прямо в Telegram!

Рейтинг: +11