Шаҳзод Азмиддинов: "Ўн киши ҳимояда ётиб олгандан кейин, бундай мудофаани ёриб ўтиш қийин"

"Шўртан"га қарши қийин ўйин ўтказдик. Худога шукр, муҳим ғалабани қўлга киритдик. Стадиондан келган мухлисларга миннатдорчилик билдираман. Уларнинг қўллаб-қувватлашини ҳис қилиб турдик. Қўлимиздан келганини амалга ошириб, уларни хурсанд қилдик деган умиддаман. 

Гол уриб олгач, сустлашдикка йўл қўйдик дея олмайман. Сабаби вазиятдан келиб чиққан ҳолда иш тутдик. Рақиб яхши ҳимояланди. Ўн киши ҳимояда ётиб олгандан кейин бундай мудофаани ёриб ўтиш қийинчилик туғдиради. Тўп назорати бизда эди, фурсат келишини кутдик, аммо вазиятларни якунлаш кўнгилдагидек бўлмади. Асосийси, ғалаба қозондик. Мавсум бошида йўқотилган очколар ўрнини тўлдиришга ҳаракат қиляпмиз. 

"Пахтакор" футбол клуби раиси Жаҳонгир Ортиқхўжаев бизни доим қўллаб-қувватлайди. "Нефтчи"га қарши ўйиндан олдинги йиғилишда "Йигитлар, ғалаба қозонишимиз керак, биз "Пахтакор"миз, бренд жамоага айланганмиз, бундай даражада юриш бизга хос эмас", дея мотивация берди", деди 24 ёшли футболчи.