Рюдигер: "Нима, африкаликлар ҳайвонларми?! Уят сенларга!"
06 апр 2020 00:14
Новости

Рюдигер: "Нима, африкаликлар ҳайвонларми?! Уят сенларга!"

"Челси" ҳимоячиси Антонио Рюдигер силга қарши ишлатиладиган вакцинани коронавирус учун ҳам синаб кўриш вариантини Африкада амалга ошириш ҳақидаги ғоядан хабар топгач, ўз жаҳлини тийиб туролмади.

"Бу йигитларга муносиб сўз топиш анча вақтимни олди. Нима, африкаликлар Ҳайвонларми?! Уят сенларга!
Бу ирқчиликнинг юқори даражаси ва барча қора танлиларга нисбатан янграган даҳшатли баёнот. Буни қандай қилиб француз телевидениясида намойиш қилиш мумкин?" – деб ёзди Рюдигер ўзининг "Твиттер"даги шахсий саҳифасида.

Синов ғоясини Франциянинг LCI телеканали орқали эфирга узатилган дастурда профессорлар Жан-Поль Мира ва Камиль Лохт илгари сурган.

"Бу синовларни нега Африкада ўтказмаслигимиз керак. Ахир у ерда ниқоблар, дори ва реанимация чоралари йўқку?
Бу ОИТСга қарши курашнинг бир қисми сифатида олиб борилган тадқиқотга ўхшайди. Биз синовларни фоҳишаларда ўтказамиз, чунки улар ҳимояланмага ва касалликка мойил", – дейди доктор Мира.