Рустам Акрамов: "Мен учун Бердиев ва Абдухолиқов энг кучлилари"
08 дек 2016 13:25
Новости

Рустам Акрамов: "Мен учун Бердиев ва Абдухолиқов энг кучлилари"

Ўзбек футболида ўз мавқеи ва нуфузига эга бўлган мутахассислардан бири Рустам Акрамов мавсум якунлари ҳақида ўз фикрларини билдирди.

"Фикримча энг яхши мураббий бу - "Насаф" жамоаси бош мураббийи Рўзиқул Бердиев. Унинг клуби доим барқарор ўйнаяпти. Жамоа академияси ҳам яхши ишламоқда. Мураббий у ердаги истеъдодларни асосий таркибга киритаяпти ва уларга ишонч билдираяпти.

Рўзиқулдан олдин "Насаф"да номдор мураббийлар ишлашган. Бердиев улардан керакли сабоқларни олган. Энди эса ақл билан иш юритяпти. Замонавий тарзда ўз ишини йўлга қўя олди. Шу боис ҳам Бердиевни энг яхши мураббий деб ҳисоблайман. Бунгача ҳам у бир марта энг яхши мураббий бўлган. Футболчилардан эса мен учун энг яхшиси Темурхўжа Абдухолиқов", - дейди Рустам Акрамов "Футбол Экспресс" газетасига.