Руминия клуби Балотеллини сотиб олишга ҳаракат қилади
13 мая 2023 19:30
Новости

Руминия клуби Балотеллини сотиб олишга ҳаракат қилади

Италиялик бир шарт қўйди.

Бухарестнинг "Рапид" клуби ёзда эркин агентга айланадиган "Сьон" ҳужумчиси Марио Балотеллини ўз сафига қўшиб олмоқчи. Клуб аллақачон италиялик билан музокаралар олиб борган ва у битта шарт қўйган. GSP маълумотларига кўра, Балотелли бир мавсум учун 1 миллион евро маош сўраган.

32 ёшли ҳужумчи ўтган ёзда Туркиянинг "Адана Демирспор" жамоасидан "Сьон" клубига кўчиб ўтганди. Балотелли жорий мавсум Швейцария чемпионатида 17 та ўйинда майдонга тушиб, 6 та гол урди ва 9 та сариқ карточка олди.

Агар Балотелли "Рапид"га ўтса, бу унинг фаолиятидаги 12-клуб бўлади. Ҳужумчи бунга қадар "Лумеццане", "Интер", "Манчестер Сити", "Милан", "Ливерпуль", "Ницца", "Марсель", "Брешия", "Монца", "Адана Демирспор" ва "Сьон"да ўйнаган.

Ссылка :

Источник : GSP

Получайте новости прямо в Telegram!

Рейтинг: +5