Рубен Невеш: "Манчестер Сити"га қарши жипс бўлиб ўйнашимиз шарт"

"Манчестер Сити"га қарши жипс бўлиб ўйнашимиз шарт. "Реал"га қарши қандай ўйнаган бўлсак, ўтган ўйинда ва бугун қандай ўйнаган бўлсак, худди шундай тўп тепишимиз керак. Фикримча, дунёнинг энг кучли уч жамоасидан бирига қарши майдонга чиқамиз. Мен уларни жуда яхши биламан. Кўплаб ўйинчилари алмашган бўлса-да, мен уларнинг жамоаси, мураббийи ва Португалиялик баъзи дўстларимни жуда яхши танийман. Англияда бўлган пайтимда уларга қарши бир неча бор ўйнаганман ва бу осон кечмаган.

Бироқ биз, шубҳасиз, қўлимиздан келган барча ишни амалга оширамиз. Бу уч ўйинга қандай тайёргарлик кўрган бўлсак, келгуси ўйинга ҳам худди шундай тайёргарлик кўрамиз ва натижасини кўрамиз", – деди португалиялик хавбек.

Невеш 2017 йилдан 2023 йилгача "Вулверхэмптон"да ўйнаган.

"Манчестер Сити" – "Ал Ҳилол" учрашуви 1 июль куни 06:00 да бошланади.