Рубен Аморим: "Мени жадвалдаги ўрнимиз ташвишга соляпти. Мағлубият – дунёдаги энг ёмон туйғу"

"Манчестер Юнайтед" клуби бош мураббийи Рубен Аморим "Тоттенхэм"дан учралган мағлубия ҳақида гапирди.

"Фарқ шундаки, улар гол уришди, биз эса йўқ. Имкониятларимиз бўлди. Якунда эса улар ўз имкониятларини голга айлантиришди.

Ўйинчиларимиз тезроқ тикланишини истайман. Кейинги ўйингача уларнинг баъзилари сафга қайтади. 

АПЛ дунёдаги энг қийин турнир ҳисобланади. Ёшларга имконият бериш бўйича эҳтиёткор бўлишга ҳаракат қиламан. Жамоа гол уришга интилаётганди, шу сабабли ҳам ўзгариш қилмадим. 

Ташвишланаётганим йўқ. Мухлисларни тушунаман, ОАВ ўйлаётган нарсаларни ҳам биламан. Мен ютқазишни ёмон кўраман, бу дунёдаги энг ёмон туйғу. Мени ҳозирги ҳолатим эмас, жадвалдаги жойлашувимиз ташвишга соляпти", -дейди Рубен Аморим.