РПЛнинг март ойигача бўлган энг яхши футболчиси аниқланди, Шомуродов Акинфеев билан бир ўринда

Нашр Россия чемпионати ўйинлари тўхтатилгани боис мусобақада қатнашувчи 15 жамоа мураббийлари ва “Зенит” бош директори ўртасида март ойига қадар Премьер-лиганинг энг яхши футболчисини аниқлаш мақсадида овоз бериш жараёни ўтказди. Овоз берувчиларга уч футболчини танлаш имконияти берилди. 1-ўринга қўйилган ўйинчига 3 балл, 2-га 2 ва 3-ўрин эса 1 балл билан баҳоланган. 

Сўровнома натижаларига кўра эса Артём Дзюба ("Зенит") 25 баллга эга бўлиб, ғолибликни қўлга киритди. Кучли учликка Гжегож Криховяк (“Локомотив”) ҳамда Роман Еременко (“Ростов”) якун ясаган. 

Ўзбекистонлик ҳужумчи Элдор Шомуродовга эса Валерий Карпин (2-ўринга қўйган) ҳамда “Оренбург” устози Константин Емельянов (3-ўринга қўйган) овоз берган. У жами 3 очко тўплаб, ЦСКА кипери Игор Акинфеев билан 6-поғонадан жой олди.