Рўзиқул Бердиев: "Шомуродовни тинч қўйинг"

"Ўйин жанговар руҳда ўтди. Бугунги ўйинда икки жамоа ҳам бир очкога эга бўлди, лекин икки очко йўқотишди. Иккинчи бўлим асосан бизнинг устунлигимизда ўтди. Бизда эса ўша ўша муаммо - яратилган имкониятлардан фойдалана олмаслик.

Рой Рок? Албатта, унинг жароҳатидлан сўнг режаларимиз ўзгариб кетди. Сайфиев унинг йўқлигини билдирмади. Бундан ташқари яна бир қанча жароҳатланган футболчилар ҳам етишмади бугун.

Бугун биз ҳам, рақиб ҳам икки очкодан йўқотди. Бу рақиблар учун қўл келади.

Ўринбосарлар мураббийларига ҳам баъзи вақтларда ўз маслаҳатларимизни бериб турамиз.

Янги ҳужумчи? Коблашдан кўп нарса кутгандик. Коблашнинг бир қанча жиҳатлари бизга мос келмади. Энди ўзимизнинг бир қанча ички имкониятларимиздан фойдаланиб турамиз.

Шомуродов... Ҳозирча ундан бошқа ҳужуичимиз йўқ. Бир нарсани истардим, Шомуродовни тинч қўйинг... Сўнгги вақтларда у ҳақида кўп гапирилмоқда. Бу нарса унга салбий таъсир қилмоқда. Унинг ҳаракатлари менга маъқул келмоқда. Унга босим қилмаслик зарур. 

Вазиятлардан фойдалана олиш учун футболчиларни руҳан кучайтириш лозим, ҳужумчига совуққонлик лозим. Ёш чиқиб келаётган ҳужумчилар орқали ҳужумчи муаммосини келажакда ҳал қиламиз деб умид қиламан.

Азиз Тўхтамуродов