RU

Последние новости

00:54Расман: Поль Погба - "Монако" футболчиси!  1 00:36Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"  0 00:12Клублар ўртасидаги ЖЧ. "Бенфика" - "Челси" баҳси асосий таркиблари маълум!  1 00:10Мирко Йеличич: "Биз 60 дақиқа яхши ўйнадик"  0 23:55Суперлига. Алибоев супергол урган баҳсда "Нефтчи" "Қизилқум" билан дуранг ўйнади, "Навбаҳор" эса "Машъал"ни йирик ҳисобда енгди  0 23:51Клублар ўртасидаги ЖЧнинг биринчи чорак финалчиси маълум!  0 23:38Виталий Левченко: "Агар реализация яхшироқ бўлганида, ўйин натижасини ҳал қилиб бўлган бўлар эдик"  14 23:23Сергей Лушчан: "Мавсум аввалида бизда аниқ бир мақсад йўқ эди, ҳозир эса... Футболчимизда хориждан таклиф бор"  5 22:50Уильямсни сотиб олса ҳам "Барселона" Рэшфордни трансфер қилишга уриниб кўради  5 22:31Фарҳод Нишонов: "Бир нечта футболчиларимизда Суперлигадан клубларидан таклифлар бор"  0 22:13Асрор Алиқулов: "Чарчоқ ёки иссиқ ҳаво деган гаплар қуруқ баҳона. Ҳар бир учрашув ҳам ўхшайвермайди"  3 21:57Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди  69 21:21ПроЛига. "Олимпик Мобиуз" "Олимпик" дарвозасига жавобсиз 4та гол урди ва пешқадамликни қўлига олди  1 20:55Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!  67 20:16Тер Штеген "Барселона"да қолмоқчи  0

Рўзиқул Бердиев: "Шерзод Насруллаевсиз жамоамиз "эҳтиёт қисми" йўқолиб қолгандек туюляпти" Новости

Рўзиқул Бердиев: "Шерзод Насруллаевсиз жамоамиз "эҳтиёт қисми" йўқолиб қолгандек туюляпти"

Суперлига 7-туридан ўрин олган "Насаф" – "Пахтакор" (0:0) ўйинидан сўнг мезбонлар устози Рўзиқул Бердиев матбуот анжуманида иштирок этди.

- Ўйин ҳақида

- Ғалаба қозониш учун майдонга тушгандик. Йигитларимиз охиригача курашишди, аммо доимгидек яратилган вазиятлардан унумли фойдаланишда оқсаяпмиз. Рақиб жамоа бугун яхши ҳимояланди. "Пахтакор" қанотларни ишга солишини кутгандик, лекин бу кўринмади. Жамоа тартибли ўйнаб, натижага эришишни истади, чоғи. 

Сайфиев ва Алижонов қанотларда фаол ўйин кўрсатарди, аммо улар ҳимоявий тарзда ҳаракат қилишди. Айтмоқчи бўлганим, "Пахтакор" дуранг учун ҳаракат қилгандек туюлди.

Озгина бўлса ҳам вазиятлар ярата олдик. Балки ғалабага муносиб ўйин кўрсатмагандирмиз. Иккинчи таймда босим қилишга уриндик. Охирги зарбани берадиган футболчи топилмади.

- Шерзод Насруллаев қачон майдонга қайтиши мумкин?

- Шерзод кеча Тошкентдан охирги муолажани олиб қайтди. Шифокорлар 10 кунча танаффус қилиб туришини таъкидлашибди. 

Унинг йўқлиги билиняпти, албатта. Жамоамиз "эҳтиёт қисми" йўқолиб қолгандек туюляпти. 

- Ижарага берилган Жўрабек Маннонов ва Шоҳмалик Комилов етишмаётгандек...

- Йўқ, Манноновнинг ўрнида Саитов ҳаракат қиляпти. Ҳозир агар Маннонов жамоада қолганида ўйин амалиётисиз қоларди. Шуни ўйлаган ҳолда ижарага берганмиз. Улар қанчалик кўп ўйнашса, бундан хурсанд бўламиз. Кўряпсизлар, гол ҳам уряпти, қизил карточка ҳам оляпти (кулади). Катта тажриба орттириб қайтишади деган умиддамиз.

Ўйинларимизда Ғолиб Ғайбуллаев ва Шерзод Насруллаевнинг ўрни билиняпти. Чунки улар бўлганида тез-тез ротация қилиб турган бўлардик. 

- Иван Соловьёвни нега сал аввалроқ майдонга туширмадингиз?

- Яшириб ўтирмайман, Соловьёв ҳозирча талабимизга жавоб бера олгани йўқ. Чемпионлар Лигасидаги ўйинларини ҳам кўрдингиз. Охирги баҳсда Азиз Холмуродовга имкон бердик, бугун ҳам. Бундай даражадаги ўйинда тажрибасизлиги кўринди. Лекин ишонаманки, ҳали у ривожланади. 20 минг томошабин қаршисида "Пахтакор"га қарши тўп тепиш осон эмас, уни айбламаймиз. 

- "Пахтакор" ОЧЛда жуда кўп гол ўтказиб юборди. Шундан келиб чиқиб "шерлар"нинг ўша ўйинлардаги рақиблари услубини ҳам ўрганиб чиқдингизми ёки "Насаф" ўз услубидан воз кечмайдими?

- Биз ўз услубимиздан воз кечмадик. Иккинчи таймда кўпроқ босим қилиб, рақибни хато қилишга мажбур қилишимиз лозим эди. "Пахтакор"ни ўргандик, лекин улар ўрганганимиз даражасидан бошқача ҳаракат қилишди.  

- "Насаф" Ўзбекистонда энг шаклланган жамоа, лекин чемпионлик ҳақида ҳеч гапирмайсиз...

- Бошқа мураббийлар ҳақида гапирмайман. Ўйин олдидан ҳам, мавсум олдидан ҳам ҳеч кимга ҳеч нарсани ваъда қила олмайман. Бунга одатланмаганман. Ҳа, курашамиз. Лекин эртага нима бўлишини сиз билан биз билмаймиз.  Чемпионлик фақат менга боғлиқ эмас, жамоа таркиби ва ташкилий масалаларга боғлиқ. Гап бунда эмас, ташкилий масалаларни ҳам баҳона қилаётганимиз йўқ. Мен ҳозир нима учун "чемпион бўламан" деб гапиришим керак? Бу йигитларга ҳам босим юклайди. Тўғрими? Жамоамиз ёш. 3 йил олдин 5-6-7-ўринларда юргандик, мана 2 йил ичида жамоа ОЧЛ 1/8 финалига чиқдик. Нима қилайлик, "чемпион бўламиз ёки ОЧЛни ютамиз" деб бақирайликми?

Рейтинг: +36   

Комментарии

championat.asia
< посмотреть последние новости
Яндекс.Метрика