Рўзиқул Бердиев: "Обод" раҳбарларида, мураббий ва футболчиларида иштиёқ катта"

"Обод" оддий жамоа эмаслигига бугун амин бўлдик. Ўйинга келадиган бўлсак, улар асосан ҳимояда ўйнашди. Шунингдек, қарши ҳужумда ҳам ўз омадларини синаб кўришди. Йигитларга рақибга ҳурматни сақлаган ҳолда ўйнаш лозимлигини айтгандим. Мана ўз ўйинимизни намойиш этдик ва уч очко эгасига айландик. Бу энг асосийси. Футболчилар кейинги ҳафта бўладиган ўйинни ҳам ёддан чиқармаган ҳолда майдонда ҳаракат қилганликлари кўриниб турди. Шу сабабли, балки бугун томошабоп ўйин намойиш эта олмагандирмиз", - деб ўз фикрларини бошлади Рўзиқул Бердиев.

Умид қиламанки, Баҳром кейинги ўйингача соғайиб кетади ва бизга ёрдам бера олади.

Суюнов 10 кун ичида ўйин амалиётига эга бўлмаганди. Шунинг учун уни бугун майдонга туширдик. Лекин, бу дегани "Ал-Жаиш"га қарши ўйинда у аниқ ўйнайди дегани эмас. Бизда Санжар Қувватов ҳам бор. Демак, ўйин куни ким тайёр бўлса ўша майдонга тушади. Легионер ҳақида гапирадиган бўлсам, айни пайтда Раҳматовнинг ўйинлари менга маъқул келмоқда. Шунинг учун уни захирага ўтказиб қўйиб легионерни майдонга тушира олмайман. Футболда ким тайёр бўлса, ўша майдонга тушади.

"Обод" - "Бухоро" ўйинини ЖАР стадионидан туриб томоша қилгандим. Ўша куни тошкентликлар рақибларига катта қийинчиликлар туғдиргандилар. Кейин "Бунёдкор"га қарши ўйиннинг видеосини ҳам кўриб чиқдим. Кўриниб турибдики, "Обод" оддий жамоа эмас. Клуб раҳбарларида, мураббий, футболчиларида иштиёқ катта. Жамоада яхши ишлар олиб борилмоқда. Уларни ҳурмат қилиш лозим", - дея ўз фикрларига якун ясади "аждарлар" бош мураббийи.

"Насаф" матбуот хизмати