Рўзиқул Бердиев: "Геворкян соппа-соғ"

Унга Элдор Суюнов ҳамроҳлик қилди.

"Эртанги ўйинга жиддий ҳозирлик кўрдик ва ғалаба қозониш учун майдонга чиқамиз. Артур Геворкян борасида ташвишда эдик, лекин у сўнгги 5 кунда жамоамиз билан бир хилда машғулот ўтказди ва ўзини яхши кўрсатяпти. Муҳими шу", - дейди Рўзиқул Бердиев.

- Аввалги ўйинда Шоҳрух Гадоев яхши ўйнади, эртага уни кўрамизми?
- Олий лига билан ОЧЛни ўртасидаги фарқ катта. Ҳақиқатдан ҳам Шоҳрухни ўйинида ўсиш кузатиляпти. Эртага вазиятга қараймиз.

- Элдор, учта тўп қўйиб юбордингиз, ҳаммаси бош билан берилган зарбадан кейин?
- Ҳа, шундай бўлиб қолди. Бу борада хато қилмасликка ҳаракат қиламан.

- Коблаш ўзи ўйнаган ўйинларида имкониятларни йўққа чиқаришда давом этяпти. Эртага уни асосий таркибда тўлиқ кўрамизми?
- Жамоада 20 нафардан зиёд футболчи бор. Ким ўйинга тайёр бўлса, ўша майдонга тушади.

- Гуруҳдаги имкониятлар ҳақида нима дейсиз?
- 4та жамоада ҳам гуруҳдан чиқишга имконият бор. Худди шундай барчада қолиб кетиш имконияти ҳам бор. 

- "Ал Аҳли" жамоасини кучи нимада деб биласиз?
- БАА Суперкубогида ғалаба қозонган жамоани кучли деб айтган бўлардим. Бир неча маротаба ички чемпионатда ғолибликни ўз-ўзидан қўлга киритмаган. 

Нодирхўжа Юлдашев ёзиб олди
Фото: Сардор Нуров