Рўзиқул Бердиев: "Бугунги дурангда футболчиларни айблаб бўлмайди"

"Оғир ўйин бўлди, деб ўйлайман. Бундай қаршиликни кутган эдик. Йигитларга ҳам  "Олимпик" қандай рақиблигини, тўпни яхши назорат қилишини айтгандим. Бугун ҳимоя ва ҳужумда самаралироқ ўйнашимиз керак эди. Албатта охирги ўйинларда битта таркиб билан ўйнаётганимиз, ротация қилишга имконимиз йўқлиги ўз таъсирини ўтказмоқда", -дейди Рўзиқул Бердиев.

- Бугун дуранг бўлмасин деб, мухлислар ҳар бир ўйинга ҳавотир билан киришмоқда...

- Балки шунинг учун ҳам дуранг бўлаётгандир (кулади). Умуман олганда осон ўйинлар ўтказаётганимиз йўқ. Фарғонада очко йўқотдик. Ушбу учрашувдан олдин ҳолатимиз яхши эмасди. Футболчиларни бугунги натижада айблаб бўлмайди. Кўриниб турибдики, хоҳиш катта. 

- Бугунги ҳакамлик ҳақида фикрингиз қандай? Сизнингча, ўша вазиятда гол бўлганмиди?

-  Вазиятларни баҳолашда эътибор қилганим йўқ. Агар гол бўлганида айтишарди.