Рой Рок: "Якшанба куни Ўзбекистонга қайтаман ва машғулотларни бошлайман"

Тан олиш керакки, жамоага мавсум бошида келиб қўшилган бўлишига қарамай жамоада ўз ўрнини топиб олган легионеримизнинг иккинчи даврадаги ўйинларда ўрни билинди.

Биз кўп сонли мухлисларимизнинг илтимосларига биноан, футболчидан соғлиғи ҳақида сўраб кўрдик.

– Айни пайтда жамоамга қийин ўйинларда ёрдам бера олмаётганимдан афсусдаман. Кеча ўз юртимда тиббий кўрикдан ўтдим, соғлиғим билан боғлиқ ҳеч қандай муаммо йўқ. Якшанба куни Ўзбекистонга қайтаман ва машғулотларни бошлайман,  – дейди Рой Рок сайтимизга берган қисқа интервюсида.

Биз ҳам мухлислар номидан Рой Рокнинг сафга қайтиши ва жамоамиз билан улкан ютуқларни қўлга киритишини тилаб қоламиз.

Азамат Умаров