Россия футбол иттифоқи Ўзбекистонга қарши ўртоқлик ўйини ўтказилиши ҳақидаги хабарга изоҳ берди

Аввалроқ Россия Эрон, Ўзбекистон ва Хитой каби мамлакатлар билан ўртоқлик учрашуви ўтказиши мумкинлиги айтилганди.

"ОАВда кўрсатилган вариантлар ўлароқ, турли миллий федерациялар билан музокаралар олиб борилмоқда ва РФИга олдиндан розилик жавобини берган мамлакатлар ҳам бор. Кейинчалик аниқ маълумотлар эълон қилинади", - дейилади хабарда.

Аввалроқ УEФА ижроия қўмитаси Россия клублари ва жамоаларининг ташкилотка қарашли турнирларда иштирок этиши бўйича бир қатор қарорлар қабул қилганди. УEФА кейинги мавсумда Россия Европа мусобақаларида, миллий терма жамоа эса Миллатлар лигасида иштирок этмаслигини маълум қилганди.