RU

Последние новости

21:55Мираброр Усмонов Кубоги-2025. Япония U-23 Ўзбекистонни мағлуб этди ва турнир ғолибига айланди  46 20:56ПСЖ Доннарумма борасида "Челси", "Галатасарой" ва бошқа клублар таклифларини кўриб чиқишга тайёр  2 19:57"Локомотив" Тожикистон жамоасидан енгилди  2 19:43"Эвертон" Кубога қизиқиб қолди  0 19:19Жака АПЛга қайтмоқда   1 18:39Гвардиола "Барселона"га қайтадими?  10 18:13АПЛ топ-клублари "Ал Ҳилол" ҳужумчисига даъвогарлик қилмоқда  2 17:36"Тоттенхэм" ва "Барселона" "Арсенал" ҳужумчисига қизиқмоқда  3 17:08"Вест Хэм" "Манчестер Юнайтед"дан япониялик дарвозабонни илиб кетмоқчи  4 16:40Де Лигт: "Манчестер Юнайтед" учун ўтган мавсум ўтмишда қолди"  0 16:13"Реал" Винисиус Жуниорга ўринбосар топди – АПЛ юлдузи устувор вариант  4 15:45Breaking! "Ливерпуль" Исак билан келишувга эришди  21 15:22ЦСКА ҳимоячиси: "Туркия чемпионати Файзуллаев учун ЖЧ олдидан трамплин бўлади"  9 14:55Суперлига қайтмоқда! 16-тур ўйинларига ҳакамлар тайинланди  6 14:34Расман: Бахтиёр Зайнутдинов – "Динамо М" футболчиси  1

Роналду ва Месси ўзиб кета олмаган 5 рекорд Новости

Роналду ва Месси ўзиб кета олмаган 5 рекорд

Дунё футболи қироллари, 5 мартадан "Олтин тўп"ни қўлга киритган икки футболчи - Криштиану Роналду ва Лео Месси барча рекордларни ҳам янгилай олмаган.

Мисол учун...

5. ЛА ЛИГАДА ЭНГ КЎП ЎЙИН ЎТКАЗИШ

"Барселона" собиқ дарвозабони Андони Субисарета ЛаЛига тарихида энг кўп ўйин ўтказган футболчи ҳисобланади. У Примеронинг 629 учрашувида қатнашган.

Айни дамда Роналду ва Месси ЛаЛигада ўйин ўтказиш борасида кучли-10ликда ҳам эмас. Аргентиналик 419, португалиялик 294 учрашувда майдонга тушган.

Субисаретанинг натижасидан ўтиб кетиш учун Месси салкам 6, Роналду эса 9 мавсум ЛаЛигада ўйнаши керак.

4. ЭНГ ТЕЗКОР ГОЛ

Бу борадаги натижада ҳам "Барселона" футболчиси етакчи.

2014 йилда "Альмерия"га қарши учрашувда Сейду Кейта 7,6 сониясида гол урган ва Хосеба Льорентенинг (7,8 сония) рекордидан ўтиб кетган.

Кучли бешликда дастлабки 10 сонияда гол урган футболчилар бошқа йўқ. Шу боисдан унинг рекорди яна бир неча мавсум давомида ўзгармай туриши аниқ.

3. КЕТМА-КЕТ ХЕТ-ТРИК ҚИЛИШ

Месси ва Роналду ЛаЛига доирасида умумий 63 марта хет-трикка эришишган (Роналдуда 34, Мессида 29). Бироқ икки футболчи ҳам ички чемпионатда бирор марта кетма кет хет-трик қила олишмаган.

1935 йилги мавсумда "Реал Овиедо" футболчиси Исидро Лангара кетма-кет уч бора хет-трик қилишга эришган.

Ҳозирча ушбу рекордни ҳеч ким янгилай олмаяпти, жумладан футболнинг айни дамдаги икки қироли ҳам.

2. БИР ЎЙИНДА 7 ГОЛ УРИШ

"Барселона" афсонаси Ласло Кубала бир ўйинда 7 гол киритган. Бу натижа 1952 йилда қайд этилган.

"Атлетик" футболчиси 1931 йилда "Барселона"га қарши учрашувда ҳам шундай ишни бажара олган.

2015 йилда "Гранада"га, кейинчалик "Эспаньол"га қарши баҳсда Криштиану Роналду 5тадан гол киритишни уддалаган.

Месси эса бир ўйинда узоғи билан 4 гол кирита олган. Ҳозирча икки футболчи ҳам бу рекордни янгилай олишмаяпти.

1. ЭНГ ТЕЗКОР ХЕТ-ТРИК

Давид Вилья 2005/06 йилги мавсумда у 4 дақиқа 47 сонияда хет-трик қайд этган, бу эса ЛаЛигадаги рекорд натижадир. У ўшанда "Валенсия" таркибида бўлган ва "Атлетик" дарвозасини ишғол этган. Ўшанда унинг голлари 82, 84 ва  87-дақиқаларга ёзилган.

2015 йилда Роналду "Гранада" жамоаси дарвозасига 8 дақиқада 3 тўп урган.

2017 йилда "Атлетико" футболчиси Кевин Гамейро рекорддан 4 сония кечикиб, "Спортинг Хихон" дарвозасига 3 гол киритганди.

Миржалол Норматов таржимаси

Рейтинг: +43   

Комментарии

championat.asia
< посмотреть последние новости
Яндекс.Метрика