"Роналду тепган пенальти нотўғри белгиланган" — Игорь Рабинер ЖЧ-2022'даги ҳакамлик фаолиятига оид барча икир-чикирлардан хабардор инсон билан суҳбатлашди

Маълум бўлишича, ФИФА ҳакамлар қўмитаси Португалия - Гана ўйинини бошқариб борган америкалик ҳаками Исмоил Эльфатнинг европаликлар фойдасига пенальти белгилаш ҳақидаги қарорини нотўғри деб ҳисоблаган. Айнан ўша стандартдан гол урган Криштиану Роналду бешта жаҳон чемпионатида тўп киритган футболчига айланиб, рекорд ўрнатганди. 

Шунингдек, Англия - Эрон учрашувини бошқарган бразилиялик ҳакам Рафаэл Клаус ўйин 6:1 ҳисобида давом этаётган бир паллада иккинчи бўлимга ўн дақиқа қўшиб берилгани учун танқид қилинди. У ФИФАнинг янги талабларига амал қилди, лекин том маънода биринчи бўлимда эронлик дарвозабонга узоқ давом этган тиббий ёрдам кўрсатилганига қарамай, ўйин учун 27 дақиқа қўшиб берилгани ҳакамлар қўмитаси учун тушунарсиз ҳодиса бўлди.

Таймларга кўпроқ дақиқа қўшиш қарори марказлаштирилган. ФИФА ўйин вақтини кўпайтириш учун курашишга қарор қилди, шу сабабли улар захира ҳакамларидан ўйин давомида йўқотилган вақтни синчковлик билан ҳисоблашни талаб қилди. Бир қатор вазиятлар (голни нишонлаш, жароҳатлар, алмаштиришлар, дарвозага зарбалар ўйинчиларнинг бурчакдан узатма амалга ошириши ва бошқа ҳолатлар учун сарфланган вақт) бундан мустасно, энди 90 дақиқалик ўйинга тўлиқ қўшимча вақт қўшилди. Янги тизимни синаб кўриш учун Қатарда маҳаллий ҳаваскор жамоалар турнири ўтказилмоқда (ушбу турнир бугун ниҳоясига етади), унда ЖЧ-2022 ҳакамлари 45 дақиқа давомида ишлайди ва янги билимлардан ўз маҳоратини оширмоқда.