Роналду кетма-кет 5 та ўйиндан бери гол уролмаяпти

38 ёшли Криштиану Роналду ўйинни захира ўриндиғида бошлади.

"Ал Насср"нинг португалиялик форварди 62-дақиқада майдонга тушди ва самарали ҳаракат қайд эта олмади. У кетма-кет 5 та ўйиндан бери гол уролмаяпти.

Клублар ўртасидаги Араб чемпионлари кубоги Саудия Арабистонининг уч шаҳрида ўтказилмоқда.

Турнирда 16 та клуб, жумладан Саудия Арабистони, Кувайт, БАА, Қатар, Миср, Ливия, Жазоир, Тунис, Марокаш ва Ироқ вакиллари иштирок этмоқда.

Жамоалар 4 та гуруҳга бўлинган, 8 та энг яхши жамоа плей-оффда курашни давом эттиради. Турнир ғолиби 6 миллион доллар миқдорида мукофот олади.