Ривалдо Обамеянг ва Траоре ҳақида: "Барса" учун яхши танлов, лекин клуб яқин келажакда Ла Лига ёки Чемпионлар лигасида ғалаба қозониш учун курашолмайди"

"Иккала ўйинчи ҳам жамоага маҳорат ва бой инглиз футболи тажрибасини олиб келади, бу янгиланиш ҳолатида бўлган ва ҳали ҳам ёш ва тажрибали ўйинчилар ўртасида мувозанатни сақлашга қийналаётган жамоа учун жуда фойдали бўлиши мумкин.

Обамеянг ҳам, Траоре ҳам ўз жамоаларида ўрнини бир оз йўқотди ва "Барселона"га ўтиш уларнинг даражасини қайта тиклашга имконият яратиши мумкин. Менимча, бу қийин даврда клуб учун яхши танлов бўлди.

Бундай қийин пайтларда ҳар қандай футболчи билан шартнома имзоланиши муҳим. Лекин мен ҳали ҳам клуб яқин келажакда Ла Лига ёки Чемпионлар лигаси ғолиблиги учун кураша олади деб ўйламайман, аввало ички муаммоларни ҳал қилишимиз керак", — деди Ривалдо.