Рио-2016. Ришод Собиров – бронза медали соҳиби!
08 авг 2016 06:58
Новости

Рио-2016. Ришод Собиров – бронза медали соҳиби!

Бразилиянинг Рио-де-Жанейро шаҳрида XXXI ёзги Олимпия ўйинлари давом этмоқда.

Дзюдо мусобақасининг 66 кг вазн тоифасидаги баҳслари якунланди. Ушбу вазнда юртимиз шарафини ҳимоя қилган олимпия ўйинларининг икки карра бронза медал соҳиби Ришод Собиров фаолиятида учинчи маротаба шохсупага кўтарилди.

Аввалига РИшод ўтиш баҳсида Доминикан Республикаси вакили Уондер Матеони иппон баҳоси, яъни соф ғалаба билан мағлуб этди. Бронза медали учун кечган баҳсда эса икки карра жаҳон чемпиони словакиялик Адриан Гомбокни ҳам енгишга муваффақ бўлди.

Шу тариқа, Ришод Собиров олимпия ўйинларининг уч карра бронза медал соҳибига айланди. У бунгача 2008 йили Пекин, 2012 йили эса Лондонда бўлиб ўтган ёзги Олимпия ўйинларида 60 кг вазн тоифасида бронза медалларига сазовор бўлганди.