Рэшфорд "Астон Вилла" билан хайрлашди

"Шунчаки "Астон Вилла"даги барчага ақл бовар қилмас бир неча ой учун раҳмат айтмоқчиман. Улар ҳақиқатан ҳам ўзгача клуб ва мен "Вилла" мухлислари мени майдонда биринчи дақиқаданоқ қучоқ очиб кутиб олганини жуда қадрлайман. Мураббий, жамоа ва бутун мураббийлар штаби ажойиб. Бироқ ушбу мавсумда Чемпионлар Лигаси чиқа олмаслик қанчалик хафа қилганини тушунаман. Ишончим комилки, бу клуб ва бу жамоа янада кучлироқ бўлиб қайтади", – деди Рэшфорд.

Маркус Рэшфорд – шу йилнинг февраль ойида Бирмингемнинг "Астон Вилла" жамоасига ижарага берилган "Манчестер Юнайтед" футболчиси. 

27 ёшли Рэшфорд Бирмингем клуби сафида 17 ўйинда майдонга тушиб, 4 та гол урди ва 6 та голли пас узатди. 

Фабрицио Романонинг сўзларига кўра, Маркус Рэшфорд ижарадан "Манчестер Юнайтед"га қайтади ва уни ёзда тахминан 45 млн еврога сотиб олиш мумкин бўлади.

"Daily Mirror"нинг ёзишича, МЮ Маркус Рэшфорднинг 10-рақамли футболкасини ундан олиб, Матеус Куньяга беради.