Ренат Байрамов: "Истиқлол"да фақат бир давра ўйнасам керак

Бу ҳақда футболчининг ўзидан маълумот олиш мақсадида "Истиқлол" ҳамда "Қўқон-1912" жамоалари ўртасидаги ўртоқлик учрашувига ташриф буюрдик.

- Бугун "Истиқлол" сафида майдонга тушдингиз, клуб билан келишувга эришдингизми?
- Ҳозирча кўрикдан ўтаяпман, аниқ бир нима дея олмайман.

- Агар кўрикдан ижобий ўтсангиз жамоа сафида қанча муддат қоласиз?
- Менимча, "Истиқлол" таркибида фақат бир давра ўйнасам керак. Лекин, клуб раҳбарияти билан бу борада гаплашганимизча йўқ, шунинг учун аниқ муддатни айта олмайман. Балки бутун мавсумни шу жамоада ўтказарман. Фаолиятимни "Истиқлол"да давом эттиришим раҳбарлар билан суҳбатлашганимиздан сўнг маълум бўлади.

- Бошқа жамоалардан таклиф борми?
- Олий лига клублари учун "заявка" тугади, шунинг учун ҳам таклифлар йўқ. Ҳозир "Истиқлол"даман ва кўп эҳтимолки, шу ерда қолсам керак.

Эслатиб ўтамиз, Ренат Байрамов ўтган йилги мавсумни Жиззахнинг "Сўғдиёна" клуби таркибида ўтказган. Ярим ҳимоячи 2013 йил олий лигада 15та ўйинда майдонга тушиб 6та гол уришга эришган.

Толибжон Қосимов суҳбатлашди