Рекордчи Нестеров ФОТОГАЛЕРЕЯ

Терма жамоамиз дарвозабони Осиё Кубогида қатнашиш борасида қитъа рекордини ўрнатиши ҳақида олдинроқ хабар бергандик. 

Қуйида Игнатий Нестеровнинг 2004, 2007, 2011 ва 2015 йилги Осиё Кубокларидан олинган расмларни тақдим этамиз. 

2004 йил. Хитой. 21 ёшли Нестеров Туркманистон билан ўйинда Осиё Кубогида дебют қилган эди. Ўша мусобақада терма жамоамизнинг асосий посбони Евгений Сафонов эди.

2007 йил. Биринчи турда Эрон билан ўйинда дарвозамизни Павел Бугало қўриқлади. Ундан кейинги 3та баҳсда Рауф Инилеев Нестеровга ишонч билдирганди. 

 2011 йил. Қатардаги мусобақада Нестеров 1-рақамли посбонимизга айланган. У Иордания билан ўйинда жароҳат олиб Австралияга қарши беллашувни ўтказиб юборганди холос. 

2015 йил. Австралия. Яшил қитъадаги мусобақада Игнатий барча тўртта ўйинда тўлиқ ҳаракат қилган.

2019 йил. БАА. Терма жамоамиз сафида 100дан ортиқ ўйин ўтказган Нестеров фаолиятидаги бешинчи Осиё Кубогида иштирок этишга тайёр.