"Реал" сўнгги 11 йилликдаги клуб антирекордини ўрнатди
06 апр 2025 11:23
Новости

"Реал" сўнгги 11 йилликдаги клуб антирекордини ўрнатди

Кеча, 5 апрель куни Ла Лиганинг 30-турида "Реал" ўз майдонида "Валенсия"га мағлуб бўлди - 1:2.

Ўйиннинг 13-дақиқасида "қаймоқранглилар"нинг бразилиялик вингери Винисиус Жуниор пенальтини аниқ амалга ошира олмади - унинг зарбасини меҳмонлар посбони Георгий Мамардашвили қайтарди.

"Реал" учун бу жорий мавсумда амалга оширилмаган бешинчи 11 метрлик жарима зарбаси бўлди. Жамоа футболчилари барча мусобақаларда 16 марта пенальти тепишган, шундан 11тасини Мадрид клуби футболчилари голга айлантиришган. Бир мавсумда бешта пенальтини голга айлантира олмагани клуб учун 2013/2014-йилги мавсумдан бери энг ёмон кўрсаткичдир. Ўша мавсумда "Реал" Ла Лигада учинчи ўринни эгаллаган, Испания кубоги ва Чемпионлар лигасида ғолиб чиққан.

Ҳозирда "қаймоқранглилар" Испания чемпионати турнир жадвалида "Барселона"дан 4 очко ортда қолиб, 2-ўринда бормоқда.

Ссылка :

Источник : championat.asia

Получайте новости прямо в Telegram!

Рейтинг: +8