“Реал” Роналдуни сотади, унга нарх белгиланди

Роналдунинг “Реал” билан шартномасига кўра, унинг товон пули 1 млрд еврони ташкил этади. Бироқ “Қироллик клуби” 33 ёшли португалиялик ҳужумчини 200 млн евродан кам бўлмаган маблағ эвазига сотиб юборишга тайёр эканлигини маълум қилган.

Хориж ОАВларида Роналдуга ПСЖ, “Манчестер Юнайтед”, “Бавария”, “Ювентус”нинг қизиқаётганлиги ҳақида хабарлар айланмоқда. Аммо футболчи борасида бирорта расмий таклиф клубга келиб тушганича йўқ.

Криштианунинг “Реал” билан шартномаси 2021 йил 30 июнда якунига етади. Якунлаган мавсумда футболчи “Реал” сафида 44 ўйинда майдонга тушиб, 44 та гол уриб, 8 та голли узатмани амалга оширди.