"Реал" "Манчестер Юнайтед"дан ҳимоячи сотиб олиши мумкин

Манбага кўра, "қизил иблислар" 26 ёшли футболчини сотиш вариантини кўриб чиқмоқда. "Реал" ҳар икки қанотда ўйнай оладиган португалияликнинг универсаллигини таъкидламоқда. Таъкидланишича, "қаймоқранглилар"га Далот учун курашда "Бавария" ва Мадриднинг "Атлетико" клублари рақобатчи бўлиши мумкин.

Жорий мавсумда ҳимоячи барча мусобақаларда 14 та ўйинда майдонга тушиб, 1 та гол ва 2 та ассистни ўз ҳисобига ёздириб қўйди. Далотнинг клуб билан амалдаги меҳнат шартномаси 2028 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор нархи 28 млн еврони ташкил этади.