"Реал Мадрид" Анчелоттини Чемпионлар лигасидаги 103-ғалабаси билан табриклади

Мадрид клуби президенти Флорентино Перес бош мураббийга Чемпионлар лигасидаги 103-ғалабаси шарафига эсдалик футболкасини совға қилди.

Эслатиб ўтамиз, "қаймоқранглилар" Чемпионлар лигаси гуруҳ босқичи 6-турида "Селтик" устидан қозонилган ғалабадан сўнг (5:1) Анчелотти ушбу турнирдаги 102-ғалабасини қўлга киритгани ва Алекс Фергюсон натижасини такрорлагани ҳақида хабарлар пайдо бўлганди. 

Бироқ, бу статистикага 2004/05 йилги мавсумда “Милан”нинг “Интер” устидан қозонилган техник ғалабаси киритилмаган. Ўша ўйин иккинчи бўлимда трибунадан "россонерилар" дарвозабони Дидага қарата отилган пиротехник воситалар туфайли тўхтатилганди.

"Реал Мадрид" Чемпионлар лигасининг 2022/23 йилги мавсумида плей-офф босқичига йўл олди. Мадридликлар 13 очко билан “Лейпциг”, “Шахтёр” ва “Селтик” ўрин олган гуруҳда 1-ўринни эгаллади.