“Реал“ ҳужумчиси икки ойга сафдан чиқди

Эндрике жароҳат сабабли камида икки ойга сафдан чиқди. Бу ҳақида Footbal Espana нашри хабар бермоқда. Футболчи клублар ўртасидаги жаҳон чемпионатида машғулотлар вақтида сон мушакларини жароҳатлаб олган.

Маълумот учун, Ла Лиганинг янги мавсуми 19 август куни старт олади. Ўша куни “Реал“ “Осасуна“га қарши баҳс олиб боради.

18 ёшли футболчи ўтган мавсум 37 та учрашувда майдонга тушиб, 7 та гол урди ва 1 та голга ассист бўлган.