"Реал" ҳимоячиси: "Солари учун жон беришга тайёрмиз"
12 ноя 2018 11:32
Новости

"Реал" ҳимоячиси: "Солари учун жон беришга тайёрмиз"

"Реал" ҳимоячиси Альваро Одриосола ЛаЛиганинг 12-турида "Сельта" устидан қозонилган ғалаба (4:2) ҳақида фикр билдирди.

"Солари эффекти? Баъзида футболда жавоблар бўлмайди. Бу муҳим эмас. Биз Сантьяго Солари учун жон беришга тайёрмиз. У ишончимизни қозонмоқда. Терма жамоалар танаффусидан олдин ғалаба қозониш ва хурсанд бўлиш ҳаммасидан муҳим эди.

Мураббийни биз танламаймиз. Қарорлар тепада қабул қилинади. Биз бу инқирозни енгиб ўтишимиз учун ишлашимиз керак. Солари ажойиб мураббий, у қолишини истаймиз.

Жароҳатлар? Футбол - контактли спорт тури. Бунақаси бўлиб туради. Ўз ўйинимизни кўрсатдик, рақиб қалтисроқ ҳаракат қилди.

"Сельта" қарши ҳужумда яхши ўйин кўрсатадиган кучли жамоа. Бугун жанг бўлди, жангларда эса ғалаба қозониш керак.

Сўнгги ҳафталар биз учун муаммоли бўлганди: Ёмон натижалар, мураббийнинг кетиши. Аммо аста-секинлик билан ўзимизга бўлган ишончни тиклаб, яхши жамоа эканлигимизни исботлаяпмиз" - дейди Одриосола.

Ссылка :

Источник : Marca

Получайте новости прямо в Telegram!

Рейтинг: +17