"Реал" Бенземага 33 ёшли ўринбосар топди

Мадрид клуби "Эспаньол" форварди Хоселу трансферини ўрганиб чиқмоқда. "Қаймоқранглилар" футболчи трансфери бўйича расмий таклиф билдирганича йўқ, лекин клубдагилар у Карим Бенземага муносиб ўринбосар бўлишига ишонмоқда.

Бу мавсум Хоселу "Эспаньол" сафида 35 ўйинда 16 та гол урди ва 4 та голли узатма етказиб берди. Футболчи 2010 - 2012 йилларда "Реал" шарафини ҳимоя қилган, аммо асосий таркибдан жой эгаллай ололмагач, клубни тарк этганди. Ўшанда Хоселу 2 та ўйинда майдонга тушган ва 2 та гол урганди.