"Реал" 3 нафар футболчисига янги шартнома таклиф қилмайди
07 авг 2025 20:45
Новости

"Реал" 3 нафар футболчисига янги шартнома таклиф қилмайди

"Қироллик клуби"ни кимлар тарк этади?

"Реал"нинг 3 нафар футболчиси янги шартномага эга бўлмайди ва келаси ёзда жамоани тарк этади. Бу ҳақда "Bernabeu Digital" хабар бермоқда.

Бу рўйхатга ҳимоячилар Давид Алаба, Антонио Рюдигер ва Дани Карвахаль киритилган. Учаласи ҳам келаси ёзда "қаймоқранглилар"дан кетади.

Футболчиларнинг "қироллик клуби" билан шартномаси 2026 йилнинг июнигача ҳисобланган. Клуб футболчиларнинг ёши ва жароҳатга мойиллиги сабабли шартномани узайтирмайди.

Бундан ташқари, "Реал" битими 2027 йилнинг июнига қадар мўлжалланган ярим ҳимоячи Дани Себальосни трансферга қўяди. Испаниялик футболчи бош мураббий Хаби Алонсонинг режаларидан ўрин олмаган.

Ссылка :

Источник : Bernabeu Digital

Получайте новости прямо в Telegram!

Рейтинг: +3